ჩვენი მიზანია, გაგაცნოთ, როგორ ამუშავებს და იყენებს შპს “კონტემპო” თქვენს პერსონალურ მონაცემებს. ჩვენ დეტალურად მოგაწვდით ინფორმაციას იმის შესახებ, თუ რა ტიპის პერსონალურ მონაცემებს ვაგროვებთ თქვენ შესახებ მაშინ, როდესაც ხდებით ჩვენი მომხმარებელი და როგორ ხდება ამ მონაცემების გამოყენება პირდაპირი მარკეტინგის გზით.
ვინ ვართ ჩვენ
- კომპანიის სახელწოდება: შპს „კონტემპო“ (შემდგომში, „ჩვენ“ ან „კონტემპო“), წინამდებარე განაცხადის მიზნებიდან გამომდინარე, მოქმედი როგორც მონაცემების დამმუშავებელი.
- საიდენტიფიკაციო კოდი: 405680838
- მისამართი: ქ. თბილისი, მარშალ გელოვანის ქ. №42
ჩვენ შესახებ დამატებითი ინფორმაცია შეგიძლიათ იხილოთ ვებგვერდზე: www.contempo.ge
განაცხადი შესაძლოა, პერიოდულად განახლდეს, რის თაობაზეც ინფორმაცია აისახება ჩვენს ვებ–გვერდზე.
დოკუმენტის პირველ გვერდზე მოცემულია განაცხადის განახლების უკანასკნელი თარიღი.
ჩვენ, კონტემპო, ვაცხადებთ, რომ:
- დავიცავთ თქვენი მონაცემების კონფიდენციალურობას;
- გამოვიყენებთ თქვენს მონაცემებს კანონის ფარგლებში;
კონფიდენციალურობის/პერსონალური მონაცემების დაცვის განაცხადის გავრცელების ფარგლები
წინამდებარე განაცხადი ვრცელდება:
- კონტემპოს ფიზიკურ პირ მომხმარებლებზე;
- კონტემპოს იურიდიულ პირ მომხმარებლებზე;
- კონტემპოსთან სახელშეკრულებო ურთიერთობაში მყოფ პირებზე.
თუ თქვენ სარგებლობთ ან გეგმავთ ითანამშრომლოთ/შეიძინოთ ჩვენი პროდუქტი ან/და ისარგებლოთ ჩვენი სერვისებით, იგულისხმება, რომ თქვენ გაეცანით და იზიარებთ წინამდებარე განაცხადის პირობებს.
განაცხადის მიზანი
წინამდებარე განაცხადის მიზანია:
- განგიმარტოთ სამართლებრივი საფუძვლები, მიზნები და პრინციპები, რომლითაც ვხელმძღვანელობთ თქვენი პერსონალური მონაცემების დამუშავებისას;
- გაგაცნოთ, როგორ და რა სახის მონაცემებს ვამუშავებთ თქვენ შესახებ;
- გაცნობოთ, როგორ ვიცავთ თქვენს პერსონალურ მონაცემებს;
ჩვენ ვამუშავებთ თქვენს პერსონალური მონაცემების საქართველოს კანონმდებლობით დადგენილი წესებისა და ნორმების, ასევე წინამდებარე განაცხადში განსაზღვრული პირობების შესაბამისად.
პერსონალური მონაცემების დამუშავების პრინციპები და გარანტიები
ჩვენ დავამუშავებთ თქვენს მონაცემებს:
- კანონის ფარგლებში;
- მხოლოდ კონკრეტული, მკაფიოდ განსაზღვრული და ლეგიტიმური მიზნებისთვის;
- მხოლოდ იმ მოცულობით, რაც აუცილებელია შესაბამისი ლეგიტიმური მიზნის მისაღწევად.
პერსონალური მონაცემების დამუშავების საფუძვლები და მიზნები
ჩვენ ვამუშავებთ თქვენს პერსონალურ მონაცემებს ერთი ან რამდენიმე ქვემოთ მოცემული კანონიერი საფუძვლით, კერძოდ:
- ჩვენ შორის დადებული გარიგებით/ხელშეკრულებით განსაზღვრული ვალდებულებების შესრულების საფუძვლით;
- ჩვენი კანონიერი/ლეგიტიმური ინტერესების დაცვის უზრუნველყოფის საფუძვლით;
- ჩვენზე კანონმდებლობით დაკისრებული ვალდებულებების შესრულების საფუძვლით;
- თქვენი თანხმობით.
პერსონალური მონაცემების მოპოვების წყაროები და მონაცემები, რომელსაც ვამუშავებთ
პერსონალური მონაცემების მოპოვება ხორციელდება კონტემპოსთვის თქვენ მიერ მოწოდებული და ქვემოთ ჩამოთვლილი ერთი ან რამდენიმე წყაროდან.
თქვენს პერსონალურ მონაცემებს ვაგროვებთ, როდესაც თქვენ:
- მოგვმართავთ ჩვენი პროდუქტის შეძენის და/ან ინფორმაციის მოწოდების მოთხოვნით, ახორციელებთ ჩვენთან ვიზიტს ან გადიხართ იდენტიფიცირების პროცესს, მათ შორის, ჩვენი ონლაინ პლატფორმ(ებ)ის საშუალებით;
- შემოდიხართ და ათვალიერებთ ჩვენ ვებ-გვერდს (ჩვენი ვებ-გვერდის მონიტორინგსა და თქვენი მონაცემების მოგროვებას ვახორციელებთ ე.წ. „მზა ჩანაწერების“ (cookies-ის) საშუალებით; „მზა ჩანაწერებს“ თაობაზე დეტალური ინფორმაციისათვის, გთხოვთ, გაეცნოთ ჩვენ „მზა ჩანაწერების (Cookies) წესებსა და პირობებს“);
- დებთ ჩვენთან ხელშეკრულებას, სარგებლობთ, მათ შორის, ჩვენი ერთი ან რამდენიმე სერვისით;
- რეგისტრირდებით და სარგებლობთ ჩვენი ვებგვერდით, იყენებთ ცხელ ხაზს ან გვიგზავნით წერილს ფოსტით ან ელ. ფოსტით;
- მოგვმართავთ პერსონალური მონაცემების გაცემის, გასწორების, წაშლის ან დამუშავების შეწყვეტის მოთხოვნით.
მონაცემები, რომელსაც ვამუშავებთ
წინამდებარე განაცხადით განსაზღვრული საფუძვლებით და მიზნებისთვის შესაძლოა დამუშავდეს შემდეგი მონაცემები:
- თქვენი საიდენტიფიკაციო და უფლებამოსილების დამადასტურებელი მონაცემები: სახელი, გვარი, პირადი ნომერი, მისამართი, ტელეფონის ნომერი/საკონტაქტო ნომერი, ელექტრონული ფოსტის მისამართი, ონლაინ იდენტიფიცირების ფარგლებში მიღებული ბიომეტრიული მონაცემები;
- მონაცემები თქვენ მიერ შეძენილი პროდუქტის შესახებ;
- მონაცემები ჩვენი ვებ–გვერდით (დეტალური ინფორმაციისათვის, გთხოვთ, გაეცნოთ ჩვენს „მზა ჩანაწერების (Cookies) წესებსა და პირობებს“) და ცხელი ხაზით, ასევე, ინფორმაცია თქვენი სარეგისტრაციო მონაცემების (მომხმარებლის სახელი და პაროლი), პერსონალური კოდის, ერთჯერადი კოდის/პინ კოდის შესახებ და მათი გამოყენების თაობაზე;
- ნებისმიერი ის სხვა მონაცემი, რომლის დამუშავებაზეც თქვენ თანხმობა განაცხადეთ და/ან რომლის დამუშავების ვალდებულებაც გვეკისრება კანონმდებლობით.
პერსონალური მონაცემების გაზიარება
ჩვენ შესაძლოა გავუზიაროთ თქვენი მონაცემები:
- ჩვენს პარტნიორ კომპანიებს, მათ შორის, უცხოურ კომპანიებს, საჭიროების შემთხვევაში;
- შესაბამის მხარეს/პირს კომპანიის შერწყმის და/ან წილის შეძენის შემთხვევაში;
- კანონმდებლობით განსაზღვრულ შემთხვევებში, შესაბამის უფლებამოსილ სამართალდამცავ ორგანოებს და/ან სახელმწიფო უწყებებს;
- სხვა პირებს, თქვენი თანხმობის შემთხვევაში.
ყველა ზემოაღნიშნულ შემთხვევაში პერსონალური მონაცემების გაზიარება მოხდება მხოლოდ იმ მინიმალური მასშტაბით, რაც აუცილებელია შესაბამისი მიზნის მისაღწევად და/ან რაც გათვალისწინებულია/სავალდებულოა კანონმდებლობით.
პირდაპირი მარკეტინგი
ჩვენ მხოლოდ მაშინ ვიყენებთ თქვენს პირად მონაცემებს და გიგზავნით მარკეტინგულ შეტყობინებებს, როცა გვაქვს თქვენი თანხმობა ან ლეგიტიმური ინტერესი. თქვენ უფლება გაქვთ ნებისმიერ დროს დაგვიკავშირდეთ და გვთხოვოთ მარკეტინგული შეტყობინებების გამოგზავნის შეწყვეტა. ჩვენ პატივს ვცემთ თქვენს სურვილებს და მაქსიმუმ 3 დღეში შევწყვეტთ თქვენი მონაცემების გამოყენებას.
პირდაპირი მარკეტინგის მიზნით ჩვენ შესაძლოა დავამუშავოთ შემდეგი მონაცემები: თქვენი საიდენტიფიკაციო და საკონტაქტო მონაცემები, მათ შორის ინფორმაცია თქვენი პროფილის/სეგმენტის შესახებ.
პერსონალური მონაცემების შენახვის ვადები
პერსონალურ მონაცემებს ვინახავთ იმ ვადით, რაც აუცილებელია შესაბამისი მიზნის მისაღწევად და/ან განსაზღვრულია კანონმდებლობით.
მოქმედი კანონმდებლობის შესაბამისად, თქვენს საიდენტიფიკაციო და საკონტაქტო მონაცემებს, აგრეთვე, გადახდების შესახებ ინფორმაციას ვინახავთ არაუმეტეს 10 (ათი) წლის ვადით.
მონაცემების შენახვისთვის გათვალისწინებული ვადების ამოწურვისთანავე, მაგრამ არაუმეტეს 30 დღის განმავლობაში უზრუნველვყოფთ ამ მონაცემების წაშლას ან განადგურებას.
თქვენი უფლებები
თქვენ უფლება გაქვთ:
- გამოითხოვოთ ინფორმაცია იმ მონაცემის თაობაზე, რომელიც მუშავდება თქვენ შესახებ;
- გაეცნოთ და მიიღოთ იმ მონაცემების ასლები, რომელსაც ჩვენ ვამუშავებთ თქვენ შესახებ;
- მოგვთხოვოთ თქვენ შესახებ არსებული მცდარი, არაზუსტი ან/და არასრული მონაცემების გასწორება, განახლება ან/და შევსება;
- ყოველგვარი განმარტების გარეშე, მოითხოვოთ თქვენი მონაცემების დამუშავების შეწყვეტა, დაბლოკვა, წაშლა ან განადგურება;
მონაცემთა გამოყენების შეწყვეტა, წაშლა ან განადგურება
თქვენ უფლება გაქვთ, მოგვთხოვოთ თქვენს შესახებ მონაცემთა დამუშავების შეწყვეტა, წაშლა ან განადგურება.
თქვენი მოთხოვნის მიღებიდან არაუგვიანეს 10 სამუშაო დღისა (თუ საქართველოს კანონმდებლობით სხვა რამ არ არის დადგენილი) ჩვენ შევწყვეტთ თქვენი მონაცემების დამუშავებას ან/და წავშლით ან გავანადგურებთ თქვენს მონაცემებს.
ჩვენ შესაძლოა უარი გითხრათ თქვენი მოთხოვნის დაკმაყოფილებაზე, თუ არსებობს მონაცემების დამუშავების სხვა საფუძველი.
გაითვალისწინეთ, რომ თქვენ მიერ მონაცემთა დამუშავებაზე უარის თქმის შემთხვევაში, ჩვენ შესაძლოა ვერ შევძლოთ თქვენთვის სრულყოფილი სერვისის გაწევა.
როგორ დაგვიკავშირდეთ
წინამდებარე განაცხადთან, თქვენი მონაცემების დამუშავებასთან დაკავშირებით შეკითხვების არსებობის ან/და მოთხოვნის დაფიქსირების სურვილის შემთხვევაში, გთხოვთ, დაგვიკავშირდეთ შემდეგი საკომუნიკაციო არხების გამოყენებით:
- გვეწვიეთ სამუშაო საათებში.
- დაგვიკავშირდით ცხელ ხაზზე სამუშაო საათებში.
- გამოგვიგზავნეთ ელექტრონული წერილი ელ-ფოსტით შემდეგ მისამართზე: [email protected]
ტერმინთა განმარტება
- პერსონალური მონაცემები – ნებისმიერი ინფორმაცია, რომლითაც შესაძლოა ფიზიკური პირის იდენტიფიცირება , მათ შორის სახელი, გვარი, ტელეფონის ნომერი, მისამართი, ელექტრონული ფოსტა, პირადი/პასპორტის ნომერი ან ამ პირისთვის დამახასიათებელი ნებისმიერი ფიზიკური, ფიზიოლოგიური, ფსიქოლოგიური, ეკონომიკური, კულტურული ან სოციალური მახასიათებლით.
- ვებ–გვერდი – კონტემპოს ოფიციალური ვებ-გვერდი www.contempo.ge, რომლის მეშვეობითაც ხდება პროდუქტის გაყიდვა.
- პროდუქტი – ნებისმიერი მოძრავი ნივთი, რომელიც შესაძლებელია შეძენილ იქნეს კონტემპოში.
- მომხმარებელი – ნებისმიერი ფიზიკური/იურიდიული პირი, რომელიც იძენს ან შემდგომ იყენებს პროდუქტს, უპირატესად პირადი მოხმარების მიზნით, როგორც ადგილზე, ისევე კონტემპოს ვებ-გვერდზე www.contempo.ge რეგისტრაციის მეშვეობით.
დისტანციური ხელშეკრულება – ხელშეკრულება, რომელიც დადებულია მომხმარებელსა და კონტემპოს შორის, ვებ-გვერდზე განხორციელებული შეკვეთის საშუალებით.