წესები და პირობები

1. პრეამბულა

წინამდებარე წესები და პირობები წარმოადგენს სავალდებულო სამართლებრივ დოკუმენტს, რომელიც არეგულირებს თქვენსა და შპს „კონტემპოს“ (შემდგომში „კონტემპო“) შორის ურთიერთობას, მათ შორის თქვენ მიერ www.contempo.ge ვებ-გვერდის გამოყენებასა და კონტემპოს პროდუქტის შეძენის/დაბრუნების პირობებს.

ყველა მომხმარებელი, რომელსაც სურს www.contempo.ge ვებ-გვერდის მეშვეობით შეიძინოს პროდუქტი ან/და მიიღოს მომსახურება, ვალდებულია დაეთანხმოს წინამდებარე წესებსა და პირობებს.

2. განცხადებები და გარანტიები

წინამდებარე წესებსა და პირობებზე დათანხმებით, მომხმარებელი ადასტურებს, რომ:

2.1. მომხმარებელს აქვს სრული უფლებამოსილება იმისათვის, რომ დაეთანხმოს წინამდებარე წესებსა და პირობებს, გააფორმოს ხელშეკრულება კონტემპოსთან და შეასრულოს ხელშეკრულებით ნაკისრი ვალდებულებები.

2.2. მომხმარებელი არის ქმედუნარიანი პირი და მოქმედებს თავისუფალი ნების გამოვლენის საფუძველზე, იგი არ იმყოფება ალკოჰოლური, ნარკოტიკული, ფსიქოტროპული ან სხვა ნებისმიერი პრეპარატის ზემოქმედების ქვეშ, რომელიც გამორიცხავს მისი თავისუფალი ნების გამოვლენას. მომხმარებელი ასევე ადასტურებს, რომ მასზე არ განხორციელებულა რაიმე მართლსაწინააღმდეგო ქმედება, როგორიცაა მუქარა, ზეწოლა, ძალადობა და სხვა, და იგი სრულად აცნობიერებს თავისი ნების გამოვლენის შინაარსსა და მისგან გამომდინარე სამართლებრივ შედეგებს.

2.3. იგი ჯეროვნად, კეთილსინდისიერად, დათქმულ დროსა და ადგილას შეასრულებს ხელშეკრულებით ნაკისრ ვალდებულებებს.

2.4. მომხმარებლის მიერ რეგისტრირებული ყველა მონაცემი არის ზუსტი.

2.5. მომხმარებელი არ არის ჩაბმული ან არ მონაწილეობს არცერთი იურისდიქციის კანონმდებლობით გათვალისწინებულ რაიმე სახის უკანონო საქმიანობაში (მათ შორის, ფულის გათეთრებაში, იარაღით ვაჭრობაში, ტერორიზმსა ან სხვა სახის უკანონო საქმიანობაში).

2.6. კონტემპო ხელშეკრულებას დებს ამ წესებსა და პირობებში მოცემულ განცხადებებსა, გარანტიებსა და ვალდებულებებზე დაყრდნობით. შესაბამისად, ხელშეკრულების დადების შემდეგ წინამდებარე მუხლით გათვალისწინებული განცხადებების, გარანტიებისა და ვალდებულებების დარღვევა საკმარისი საფუძველია კონტემპოს მიერ ხელშეკრულებით და პირობებით გათვალისწინებული ყველა ან ნებისმიერი მომსახურების გაწევაზე ცალმხრივი უარის სათქმელად.

3. მომხმარებლის მიერ ანგარიშის გახსნა (რეგისტრაცია) და ავტორიზაცია

3.1. მომხმარებლის მიერ www.contempo.ge ვებ-გვერდის მეშვეობით პროდუქტის შეძენის ან/და მომსახურების მიღების მიზნით, იგი სასურველია დარეგისტრირდეს www.contempo.ge ვებ-გვერდზე და შექმნას ანგარიში. მომხმარებელი მიუთითებს შემდეგ მონაცემებს: სახელი, გვარი, ელ. ფოსტა, მობილურის ნომერი, დაბადების თარიღი, პირადი ნომერი და ქვეყანა; რეგისტრაციის დასასრულებლად საჭიროა, რომ მომხმარებელი დაეთანხმოს www.contempo.ge ვებ-გვერდით სარგებლობის წესებსა და პირობებს, ასევე თანდართულ კონფიდენციალურობის განაცხადს.

3.2. მომხმარებელი ვალდებულია ყოველთვის უსაფრთხოდ შეინახოს მისი პირადი ანგარიშის წვდომის კოდები და არასდროს გაუმჟღავნოს ისინი მესამე პირებს.

3.3. მომხმარებელი კისრულობს სრულ პასუხისმგებლობას მისი ანგარიშით განხორციელებულ ნებისმიერ ქმედებაზე. იმ შემთხვევაში, თუ პირი სხვისი სახელითა და მითითებით ახორციელებს წვდომას მომხმარებლის ანგარიშზე, იგულისხმება, რომ მას გააჩნია საკმარისი უფლებამოსილება, რომ მომხმარებელს დააკისროს განსაზღვრული ვალდებულებები. კონტემპო სრულად იხსნის პასუხისმგებლობას მესამე პირის მიერ მომხმარებლის ანგარიშზე წვდომით დამდგარ ზიანზე.

3.4. მომხმარებელი ვალდებულია, უზრუნველყოს მის პირად ანგარიშზე არსებული ინფორმაციის სიზუსტე და მისი შესაბამისი განახლება. კონტემპო არ იქნება პასუხისმგებელი მომხმარებლის მიერ აღნიშნული ვალდებულების შეუსრულებლობით გამოწვეულ არანაირ ზიანზე. კონტემპო უფლებამოსილია, ნებისმიერ დროს მოითხოვოს მომხმარებლისგან ინფორმაციის სისწორის დადასტურება ან დოკუმენტების ან სხვაგვარი მტკიცებულების წარმოდგენა.

3.5. მომხმარებლის მიერ ანგარიშის გახსნის (რეგისტრაცია) შემდეგ, მომხმარებლის მიერ www.contempo.ge ვებ-გვერდის გამოყენება შესაძლებელია ავტორიზაციის მეშვეობით.

ნებისმიერი პროდუქტის შეძენამდე, აუცილებელია ამ პროდუქტის ხელმისაწვდომობის, ან სასურველი ფერის, ან ზომის გადამოწმება ჩვენს წარმომადგენელთან, ჩვენი Facebook-ის გვერდის ან/და ცხელი ხაზის მეშვეობით:

• შესაძლოა ვებ-გვერდზე ეწეროს, რომ კონკრეტული პროდუქტი არის მარაგში, მაგრამ ვერ მოგაწოდოთ, რადგან ველოდებოდეთ მარაგების შევსებას, კონკრეტული მომენტისათვის და შესაძლებელი იყოს მხოლოდ წინასწარი შეკვეთის გაფორმება.
• შეტყობინებაზე პასუხის დაბრუნება ხდება შეტყობინების დროის, რიგითობის მიხედვით.

4. მიწოდებისა და შენახვის პირობები
   1. მიწოდება
      1. კონტემპო უზრუნველყოფს მომხმარებლისათვის შეძენილი პროდუქტის შესაბამის მისამართზე მიწოდებას, შემდეგ ვადებში:
         1. თუ შეძენილი პროდუქტი მდებარეობს თბილისის საწყობში, შეკვეთის გაფორმებიდან არაუგვიანეს 7 (შვიდი) სამუშაო დღისა, 11 საათიდან 22 საათამდე შუალედში.  მიწოდებას საფასურს წარმოადგენს, 1000 ლარამდე შენაძენის შემთხვევაში 30 ლარს, ხოლო 1000 ლარზე მეტი ოდენობის შენაძენი – უფასო.
         2. თუ შეძენილი პროდუქტი არ მდებარეობს თბილისის საწყობში, შესაბამისად მომხმარებელი უკვეთავს პროდუქტს, ასეთ შემთხვევაში, თუ ესპანეთის საწყობში ასეთი შეკვეთილი პროდუქტი არის მზა – არაუგვიანეს 6-8 კვირისა, ხოლო თუ ასეთი შეკვეთილი პროდუქტი არ არის ესპანეთის საწყობში და დასამზადებელია – არაუგვიანეს 12-16 კვირისა.
      2. ყოველგვარი გაუგებრობის თავიდან აცილების მიზნით, კონტემპო აცხადებს, რომ  ტრასპორტირება ხდება საზღვაო გადამზიდის საშუალებით, შესაბამისად ვადების ცვლილების შემთხვევაში, აღნიშნული დამოკიდებულია გადამზიდზე.
      3. პროდუქტის მიწოდებაზე პასუხისმგებელი შესაბამისი პირი ვალდებულია შეუთანხმდეს მოხმარებელს წინასწარ მიწოდების დროზე. იმ შემთხვევაში, თუ მომხმარებელი არ დახვდება შესაბამის პირს მისამართზე, იგი არ არის ვალდებული დაელოდოს მომხმარებელს 15 წუთზე მეტი ხნით. ასეთ შემთხვევაში, განმეორებით მოწოდების ღირებულებაა თბილისში 30 ლარი, ხოლო თბილისის გარეთ, ტრანსპორტირების ღირებულების 100%.
      4. მიწოდება, აგრეთვე, შესაძლებელია მთელი საქართველოს მასშტაბით, რა დროსაც პროდუქტის მოცულობისა და ტიპის მიხედვით, ინდივიდუალურად შეთანხმდება ფასი.
      5. პროდუქტის მიწოდების დროს, როგორც უფასო, ასევე ფასიან შემთხვევაში,  პროდუქტის სართულზე ლიფტის გარეშე ატანა არ შედის კონტემპოს სერვისებში.
      6. მომხმარებელი ვალდებულია გადაიხადოს პროდუქტის მთლიანი ღირებულება ადგილზე, სრულად. პროდუქტის შეკვეთის შემთხვევაში, შესაძლებელია ღირებულების ორ ნაწილად გადახდა, რა დროსაც პირველი გადახდის შემდგომ, მომხმარებლის მიერ პროდუქტზე/ხელშეკრულებაზე უარის თქმის შემთხვევაში, პირველი გადახდა რჩება კონტემპოს.
   2. შენახვა
      1. თუ გსურთ შეძენილი პროდუქტის კონტემპოს საწყობში შენახვა, ასეთ შემთხვევაში შეძენიდან 1 თვემდე ჩვენ შეგინახავთ პროდუქტს უფასოდ. 
      2. 1 თვის შემდგომ, ყოველ შემდგომ კვირაზე მოქმედებს შესაბამისი ტარფები:

5. საგარანტიო პირობები / პროდუქციის გადაცვლის, ან უკან დაბრუნების პირობები 

1. შეძენილ პროდუქტზე მოქმედებს საგარანტიო პირობები, კერძოდ 2 წელი შეძენის მომენტიდან.
2. გარანტია არ ვრცელდება პროდუქციაზე, თუ:
   1. გასულია პროდუქტის საგარანტიო ვადა;
   2. პროდუქტს მიყენებული აქვს ფიზიკური დაზიანება, მექანიკური/გარეგანი ზემოქმედების გზით;
   3. პროდუქტის ნაკლი/დაზიანება გამოწვეულია მომხმარებლის ბრალეული ქმედებით, როგორც განზრახ თუ დაუდევრობით, ასევე მარტივი ან უხეში გაუფრთხილებლობით;
   4. მომხმარებლის მიერ პროდუქტის აწყობა მოხდა შესაბამისი ინსტრუქციის დარღვევით;
   5. პროდუქტის მიმართ დაირღვა საექსპლუატაციო პირობები;
   6. პროდუქტის ძირითადი შემადგენელი ნაწილი შეცვლილია/ჩანაცვლებულია;
3. ყოველგვარი გაუგებრობის გამოსარიცხად, საგარანტიო პერიოდში გამოვლენილი ხარვეზი გულისხმობს საექსპლუატაციო პირობებში, პროდუქტისთვის მიღებულ, ნორმალური მოხმარების, კერძოდ ბუნებრივი ცვეთის მიუხედავად, პროდუქტისთვის დადგენილ საგარანტიო ვადაში გამოვლენილ ხარვეზს.
4. იმისათვის, რომ მომხმარებელმა შეძლოს გარანტიით სარგებლობა, უნდა წარმოადგინოს პროდუქტის შეძენის დამადასტურებელი დოკუმენტი/ინვოისი და პირადობის დამადასტურებელი დოკუმენტი. 
5. საგარანტიო პირობები არ ვრცელდება შემდეგ პროდუქტზე:
   1. დეკორაცია;
   2. ჭურჭელი;
   3. აქსესუარები;
   4. პროდუქტზე, რომელზეც მომხმარებელი წინასწარ იქნა გაფრთხილებული.
6. 5.6 მომხმარებელი უფლებამოსილია დააბრუნოს პროდუქტი, შემდეგი საფუძვლით: 

1. ვებ-გვერდზე შეძენის შემთხვევაში (დისტანციური ხელშეკრულება) – ყოველგვარი საფუძვლის მითითების გარეშე ხელშეკრულებაზე უარის თქმით,  პროდუქტის მფლობელობაში მიღებიდან 14 კალენდარული დღის განმავლობაში. აღნიშნული არ ეხება ისეთ შემთხვევას, როცა ვებ-გვერდის საშუალებით შეძენილია პროდუქტი, რომელიც არ მდებარეობს საქართველოს ტერიტორიაზე არსებულ საწყობში.
2. თუ პროდუქტს გამოუვლინდა ქარხნული წუნი, პროდუქტის მომხმარებლისთვის მფლობელობაში გადაცემის შემდეგ, მაქსიმუმ 2 წლის ვადაში. ასეთ შემთხვევაში, მომხმარებელი უფლებამოსილია, კონტემპოსთან შეთანხმებით, მოითხოვოს პროდუქტის გაცვლა ანალოგიურ პროდუქტზე, ხოლო თუ ანალოგიური პროდუქტი მარაგში არ იქნება, კონტემპო დაგიბრუნებთ გადახდილ თანხას უკან.
3. მომხმარებელი ვალდებულია დაბრუნების შესახებ კონტემპოს შეტყობინებიდან არაუგვიანეს 5 სამუშაო დღისა მიიტანოს პროდუქტი კონტემპოს ფილიალში;  

8. კონტემპო არ აგებს პასუხს პროდუქტის დაბრუნებით გამოწვეულ ხარჯზე, გარდა იმ შემთხვევისა, როცა პროდუქტი ან მისი მახასიათებლები არ შეესაბამება ვებ-გვერდზე არსებულ ინფორმაციას.
9. მომხმარებლისთვის პროდუქტის ღირებულების უკან დაბრუნება მოხდება პროდუქტის ფილიალში დაბრუნებიდან 7 (შვიდი) სამუშაო დღეში.
10. ღირებულების ანაზღაურება მოხდება საბანკო გადარიცხვის გზით.
11. მომხმარებელს არ აქვს უფლება დააბრუნოს პროდუქტი, თუ:

1. პროდუქტი მომხმარებლის ინდივიდუალური შეკვეთით არის დამზადებული/შესრულებული.
2. მომხმარებლის შეკვეთით ჩამოტანილია;
3. პროდუქტი არის გამოყენებული;
4. პროდუქტს შენარჩუნებული არ აქვს სასაქონლო სახე, სამომხმარებლო თვისებები, დაზიანებულია შეფუთვა;

5.12  ყოველგვარი გაუგებრობის თავიდან არიდების მიზნით, თუ დაზიანებული პროდუქტის ან მისი დეტალები ექვემდებარება შეკეთებას, ამ შემთხვევაში კონტემპო შეგიკეთებთ პროდუქტს, ხოლო თუ პროდუქტი ან მისი დეტალი არ ექვემდებარება შეკეთებას, მხოლოდ ამის შემდეგ მოქმედებს ზემოხსენებული გაცვლა/დაბრუნების წესი.

6. შეძენილი პროდუქტის მიმღები პირი

6.1. მომხმარებლის მიერ შეძენილი პროდუქტის მიმღები პირი შეიძლება იყოს როგორც თავად მომხმარებელი, ასევე მის მიერ მითითებულ მისამართზე მყოფი სხვა ნებისმიერი პირი.

7. მარეგულირებელი კანონმდებლობა

7.1. წინამდებარე წესები და პირობები რეგულირდება და განიმარტება საქართველოს კანონმდებლობის შესაბამისად.

7.2. მხარეთა შორის წამოჭრილი ნებისმიერი სადავო საკითხი უნდა გადაწყდეს მოლაპარაკების გზით, ხოლო შეთანხმების მიუღწევლობის შემთხვევაში საქმეს განიხილავს საქართველოს სასამართლო.

8. მოქმედების ვადა

8.1. წინამდებარე წესები და პირობები, ასევე მასში განხორციელებული ნებისმიერი ცვლილება/დამატება, მოქმედებს მომხმარებლის მიერ ანგარიშის გაუქმებამდე.

9. დასკვნითი დებულებები

9.1. წინამდებარე წესები და პირობები და მასთან დაკავშირებული სხვა დოკუმენტები წარმოადგენს ერთიან და მთლიან შეთანხმებას ვებ-გვერდთან ან/და სერვისებთან დაკავშირებით და ანაცვლებს ვებ-გვერდთან ან/და სერვისებთან დაკავშირებულ ყველა სხვა შეთანხმებას/კომუნიკაციას,  ასევე წერილობით ან ზეპირ განცხადებებსა და გარანტიებს.

9.2. თუ წინამდებარე პირობების რომელიმე პუნქტი ან მისი ნაწილი რაიმე მიზეზით იქნა გაუქმებული, ბათილად ცნობილი ან შეწყვეტილი, აღნიშნული პუნქტი ან მისი ნაწილი აღარ იქნება გამოყენებული, რაც არ იქონიებს გავლენას პირობების დანარჩენი პუნქტების ნამდვილობაზე.

9.3. კონტემპო უფლებამოსილია ცალმხრივად შეიტანოს ცვლილებები ამ წესებსა და პირობების დოკუმენტში და აღნიშნულის შესახებ აცნობოს მომხმარებელს თავისი ვებ-გვერდის საშუალებით.

9.4. ის საკითხები, რომელიც არ არის გათვალისწინებული წინამდებარე წესებითა და პირობებით, რეგულირდება საქართველოს კანონმდებლობით.